المشروع .. مره أخرى

بسم الله الرحمن الرحيم ..


لمن لم يكن حاضراً معنا من قبل ..

فكرة المشروع الخيري هي ..

جمع تبرعات ماليه .. و ارسالها الى اسر محتاجه
في رمضان ..

و قد كانت فكرتنا العام الماضي بأن تستلم كل اسره ما مجموعه 1000 ريال
500 منها كانت عباره عن صندوق من مواد غذائية
و الـ 500 الاخرى كوبونات من اسواق العثيم ..



المشروع للمرة الأولى كان نتاج لحظة تفكير .. و بمساعدة الجميع
تحول الى مشروع ضخم .. تجاوز 24 الف ريال ..

هو كل ما افخر به العام الماضي ..



هذه السنه .. سنبدأ من هنا

سنجمع كل التبرعات .. و نضع الخطه المتفق عليها
و نمشي معكم خطوه بخطوه ..

في البدايه ..
نود ان نصل الى مبلغ معقول نبدأ من عنده
و من ثم نتفق على عدد البيوت المحتاجه .. و طريقة التسليم .. : )



المطلوب منكم ..
جمع تبرعات .. مهما كان المبلغ
او جمع معلومات عن بيوت محتاجه .. و افادتنا بها ..




كل الشكر لكم ..
و جزاكم الله خيـر ..

ندوش & روري ..

مشكورات يـ قلبي ..
و حبيت نبدا فيه من الحين عشان يمدينا نوصلها على بداية رمضان
و عشان يكون معنا وقت اطول للتنظيم ..


الله يعطيكم العافيه ..
:rose

حي الله مزروعه ..

حلو اجل جا المشروع على مزاجك ..

و الله يـ طويلة العمر ما بعد حددت بالضبط ..
لأن هذا راجع للبنات و همتهم ..

بس العام وصلنا الحمدلله لـ 25 بيت

ان شا الله نقدر على عدد اكثر هالسنه ..



ودي ان كل وحده تعرف بيوت محتاجه .. تحط عدد البيوت اللي عندها
في هذا الموضوع عشان نبدا نحصر العدد اللي عندنا .. و على اساسه نوزع المبلغ



و ياليت ما تحرمينا يـ الغاليه من اي اقتراح او مشاركه
و خليك دايم قريبه .. حنا محتاجينك من الالف الى الياء .. : )

ديمووو ..



نووورتي يـ الغاليه ..
و تو ما تبارك المنتدى يوم سجلتي فيه ..



و احلى شي انك متحمسه .. هالمشروع محتاج حماسك : )


فيه رقم حساب يـ الغاليه .. و برسله على رقم جوالك




مشكوره على تواجدك و حماسك .. و كل شي : )



خلك قريبه ..

اقتراح حلو ..

و هذا الشي بيتحدد بعد ما نشوف كم المبلغ
و كم عدد البيوت ..
عشان ما نقصر بأي شي .. : )



مشكوره يـ قلبي على الاقتراح ..
و ياليت ما تبخلين علينا بأي راي ثاني ..

يسلمـو ..

kit kat


يسلمو يـ قلبي ..
و الله يجزانا و اياك كل خير ..

ديما ..


منوره يـ الغاليه ..


و الله يجزاك كل خير على حماسك ..
لكن الى الآن ما وصل المبلغ حتى نغطي عدد البيوت اللي موجوده عندنا
ان شا الله اذا ربي سهل .. و زاد المبلغ .. اكيد راح نرجع للارقام اللي عطيتينا .. : )



مشكوره على المجهود ..
و جزاك الله خيـر ..

منـو ..

الدار دارك .. ماراح اقولس شي ..

و جزاك الله خيـر على مجهودك ..



هنـد ..

مدري بصراحه .. شلون ارد عليس
بس من جد .. كلامس رفع المعنويات فووووق..




ديما ..
جزاك الله كل خير على حماسك و متابعتك ..
الله لا يحرمك أجره يارب ..

بسم الله الرحمن الرحيم ..



اول شي .. كل عام و انتم بخير ..


ادري اني تأخرت عليكم بالرد .. لكن متابعة المشروع اخذت وقت اكبر من ما توقعت
بس الحمدلله النتيجه مفرحه ..


المبلغ و لله الحمد وصل الى ..
14301..

يعني .. اربعطش الف و ثلاثميه و ريال ..
و الريال قبل الـ 14 ..



و تم تجهيز 12 صندوق سيصل الى كل بيت ..
و مع كل صندوق مبلغ 500 ريال ..


والباقي سيتم تنسيقه بالقريب العاجل بإذن الله .. : )



الشكر كل الشكر .. لكم .. و مجهوداتكم و حماسكم الرائعين ..
كل شخص منكم..
كان له بصمة أسست هذا المشروع .. و اعطته سمة الانجاز ..!

عسى الله أن يؤتينا ثمره ..
و يتقبله منا قبولاً حسنا .. و يجمعنا على حب الخير دائماً و أبدا ً ..




سأترك باب التبرعات مفتوح ..
كل من أراد أن يساهم من جديد .. فـ المجال مفتوح حتى آخر الشهر الكريم
أي مبلغ سيفي بالغرض .. المبالغ القادمه ستكون مخصصه لفترة العيـد ..


البيوت التي ستصلها هذه المبالغ .. (9) منها من أهل الزكاة ..

هذا الشي حبيت أوضحه لأن كثير منكم سألوا عن هذه النقطه ..
9 من البيوت .. أكدوا لنا اصحابها أنهم من أهل الزكاة ..
كلها بيوت ارامل و ايتام و مطلقات ..

سيتم تخصيص المبالغ في آخر الشهر لهم ..


اللي حاب يساهم ..
ياليت تعطوني خبر اول ما تحولون على رقم الحساب



و اللي عنده اي سؤال او اقتراح .. اتوقع كلكم تعرفون رقمي ..





مشكورين جميعاً ..
و الله يجعلها في ميزان حسناتكم ..


دمتم بـ ود ..

يعطيكم العافيه يارب ..